N’gâng kan Ntĭm rđău Tahen n’gor Dak Lak ƀư Rƀŭn nchră n’glôch jêh, rhoăt nău blău ơm ƀư tĭng nău kan “Nău rhŏ Quang Trung” kơl ƀon lan nkra khuch khat trôk nar lơh, đăp mpăn nău rêh n’hanh nkra njêng. Bah lơ 1/12/2025 tât 10/1/2026, ăp ntŭk kan mpeh tâm N’gâng kan Mât njrăng bri dak, Quân khu n’hanh N’gâng kan Ntĭm rđău Tahen n’gor lĕ rgŏ jă rlău 204.600 nuĭh cán bộ, tahen ndrel bơi 6.000 ndeh rklư sĭt ăp ntŭk geh khuch khat hô mpeh bah lơ n’gor Dak Lak, ƀư 331 rmôt ndâk ƀư n’hanh 140 rmôt nkra, tĭng êp ta ntŭk, tĭng rnăk ƀon lan.

Săk rnglăy, nău kan rhŏ jêh ndâk ƀư 331 rnăk jay an ăp rnăk geh rlâm lĕ rngôch, nkra 90 rnăk jay khuch khat hô; nkre nkra bơi 63.220 met trong hăn, dak bât tâm lŏ, ngăch rhŏ an nkra njêng tuch tăm yan puh. Rƀŭn nchră uănh lah prêh nuih n’hâm nchrăp lor, lĕ đah nău kan bah ăp rmôt n’hanh nău du nuih n’hâp rjăp đah ƀon lan tâm rgŏ jă tơm prăk, rmôt kan ndâk ƀư, đăp mpăn uĕh nâp ndơ ƀư.