Ôi lơ 13/1, ta ntŭk rƀŭn nchră ngih dak, Uỷ viên Bộ chính trị, kruanh rnâng kan Ban Bí thư Trần Cẩm Tú, kruanh Tiểu ban ntŭk leo kan kơl an Đại hội đại biêủ lam dak tal 14 bâh Đảng lĕ leo rơh rlong ƀư ăp nău nchrăp an nău kan chính trị khlăy bâh neh dak. Rnâng kan Ban Bí thư lĕ geh uănh nđôi nău kan ƀư ueh, nchih lir ta ăp ntŭk rƀŭn nchră, ăp ndơ dŏng ta ntŭk kan báo chí, ntuk leo kan bâh n’gâng kan Công an, ăp ntŭk leo kan, nău kan dak si n’hanh ăp trong kan mât đăp mpăn rnă njrăng, ueh lăng. Bâh nău uănh nđôi, ăp nkô̆ nău tơm geh tâm di đah nău ŭch, nău ntgăch gay ma ngluh mbơh. Rnâng kan  way kan Ban Bí thư đă ăp ntŭk kan an geh tâm rgop na nê̆, uănh nđôi na nê̆ gay ma nkra mhe ăp nău kan, nchrăp ueh an rơh ƀư Đại hội Đảng. Đah ăp hnău tâm rgop nău lôch rơh rlong ƀư. Rnâng kan way kan Ban Bí thư đă ăp n’gâng kan ntŭk kan an geh ngăch ndăn tâm rgop doh rklaih, ƀư tĭng răng dăng nău kan, nău ntrŭnh, đah nău ŭch têh khlăy ngăn lah mât đăp mpăn Đại hội đại biêủ lam dak tal 14 bâh Đảng geh ƀư dơi, đăp mpăn, ueh n’hanh tâm di đah nău ŭch kan chính trị.