Nthoi tay bôk nău pah kan ta Điện Biên, ôi 28/3, wa Trương Thị Mai, Rnâng kan Ban Bí thư, Kruanh ban Tổ chức Trung ương, pah kan đah Ban Thường vụ N’gor ủy Điện Biên. Mbơh ta nar pah kan, wa Lê Thành Đô, Kruanh UBND n’gor Điện Biên an gĭt, n’gor dôl rgum mbơh ƀư 18 nău nchrăp ƀư nkra nkual ƀon têh rhŏ nkah gĭt 70 năm Điện Biên Phủ lơh dơi.

Tât aƀaơ, geh 5 nău nchrăp ƀư lĕ ntơm ƀư, nchrăp jêh bah năp nar 10/4/2024; Êng nău nchrăp ƀư Ngih năch n’gor  lĕ jêh bah 80% rnoh ndơ ƀư let lơ, nchrăp jêh lĕ rngôch tâm n’gul khay 4 gay nchrăp wơt, rhŏ đại biểu n’hanh năch pâl nđaih tâm rơh nkah gĭt 70 năm Điện Biên Phủ lơh dơi. Ntoh ngơi ta nar pah kan, rlău ma djôt dơn ăp nău nsrôih bah n’gor Điện Biên tâm trong kan nchrăp ăp ndơ gay rhŏ ƀư nkah gĭt, wa Trương Thị Mai dăn đă ăp ngih pah kan tâm ôp tâm nchră ndâk ƀư kích bản nsum bah ƀư nkah gĭt du trong na nê̆, lôch jêh.