Kêng măng 21/12, ta Ngih kan Quốc hội, đah nau rđau kan bah KruanH Quốc hội Trần Thanh Mẫn, Rnâng kan rđau kan Đảng uỷ Quốc hội ƀư mêt uănh rmôt kan ndrel êng nŭih năm 2025. Rơh rƀŭn nchră ăp nau tă geh dơi ƀư mpeh nau kan chính trị, nau kan ndâk njêng Đảng, nkre nchŏng kloh nau ê dơi, nau nkol, nkô̆ nau ndrel nau tă geh dơi, ndrel ma nau rƀŏng, nau kan năm 2026 bah rmôt kan Rnâng kan ndrel ăp nŭih kan tâm Rnâng kan rđau kan Đảng uỷ Quốc hội.

Kruanh Quốc hội lah rjăp nuih n’hâm nau kan, sŏng dăng, ƀon lan ƀư tơm tâm nau tâm nchră, âk nau nsôih hŏ geh mbơh kloh jru nau tă geh dơi kŏ kơt lah nau rklaih ăp nau kan gay n’hao nau nâp nau rđau kan, rđau đă tâm rơh tât. Kruanh Quốc hội mbơh, lơ 24/12, Uỷ ban Rnâng kan mra rƀŭn rơh 2 rơh rƀŭn tal 52, rơh rƀŭn dăch dŭt bah năm 2025, rgum kơp uănh, rklaih ăp nau kan hôm e, đăp mpăn nau ngăch, nâp tĭng nau đă./.