Tâm rnôk hăn khâl, mbah rhơn Tết Giáp Thìn 2024 ta nkuâl gôl dak  Trường Sa, n’gor Khánh Hòa, Mpôl pah kan nkual 4 Hải quân ƀư Lễ nkah ndray ăp tahen ơm dăng janh khĭt rnôk hăn pah kan mât njrăng gôl dak Gạc Ma. Ta rơh lễ nkah ndray, mpôl pah kan chŭn mbah nkah gĭt 64 tahen ơm hŏ khĭt mât njrăng ƀư tơm dak lêng gôl dak bah neh dak.

Rơh lễ ƀư tâm mông nar huêng khlay n’hanh yô̆ rngot, âk nuĭh mô dơi ât dak măt. Lôch lễ mpoh nhang, Mpôl pah kan hŏ tĭng ƀư nău way nkre kao si, ndơ njăt, ndrel ăp nar sĭm hạc ƀư ma lha đaih n’hanh nkre ŭnh jrêng gay nkah gĭt tât ăp tahen ơm dăng janh khĭt. Trung tá Bùi Văn Quê, Groi Chủ nhiệm Chính trị nkual 4 Hải quân lah rjăp, ăp rơh kơn cán bộ, tahen ŭch nđơn êng tay nău way ơm dăng janh, mât njrăng ƀư tơm dak lêng gôl dak bah neh dak Việt Nam.