Kêng 13/3, UBND n’gor Dak Nông ƀư hop báo mbơh mpeh lễ nkah ndray 20 năm nar plơ̆ njêng n’gor. N’gor Dak Nông dơi plơ̆ njêng tay tâm nar 01/01/2004. Rlău 20 năm rdâk njêng n’hanh hun hao, n’gor Dak Nông hŏ geh âk nău dơi nkah uĕh tâm ăp trong kan wăng sa – rêh jêng kon nuĭh, njrăng n’gang neh dak rnă njrăng n’hanh săk geh nău rêh ƀon lan, luh bah nău n’gor ach o, mbrơi hun hao.

Lĕ rngôch ndơ geh ƀư ta n’gor tât kêng dŭt năm 2023 geh bơi 24.000 rmen prăk, hao rlău 12 tơ̆ rđĭl đah 20 năm bah năp nơh; rĭng geh tĭng bôk nuĭh  aƀaơ geh rlău 60 rkeh prăk, rlău 12 tơ̆ rđĭl đah mhe plơ̆ njêng tay n’gor. Nkah ndray 20 năm nar plơ̆ njêng dơi n’gor ntrŏng lah nar kan dŭt geh nkô̆ khlay. Nkhêp geh rnôk dja, n’gor an ƀư ăp nău kan gay nkoch trêng, ntĭm nti jru hvi mpeh nău way ơm lịch sử, văn hóa bah n’gor, rlay kah nuih n’hâm n’hao êng săk, uănh khlay êng rnoi nuĭh, rdâk nkah tay nău nsing nơm bah ăp rơh kơn ƀon lan tâm nău rđău kan bah Đảng bộ, n’gâng kan n’gor Dak Nông.