Ôi ntri (2/10), Thủ tướng Chính phủ Phạm Minh Chính ƀư tơm rơh hop tâl 5 bah Ban rđău đă gưl neh dak an ƀư nău ton bah Việt Nam ta COP26 (Ban rđău đă). Lah ta rnôk ƀư tơm rơh hop, Thủ tướng Phạm Minh Chính an gĭt, tâm rnôk nô nău mhe geh âk dak mâp jêr jŏt tâm rdâng lơh rgâl trôk nar, yor kơt nê̆ du đêt dak hŏ geh ăp nău kơp nđăp ntruch tay tâm nău tĭng ƀư ăp nău ton bah he ta COP 26.

Yơn lah, tâm rnôk hun hao kloh uĕh, rgâl ŭnh nar, hŭch bah n’huk djơh lah trong rƀŏng khlay, mô dơi rlơt tay, aơ lah nkô̆ hŏ dơi lah rjăp ta COP 28. Thủ tướng Phạm Minh Chính lah rjăp, nău tĭng ƀư ăp nău ton bah Việt Nam ta COP26 ân dâk kan đah nău nsrôih âk, lĕ n’hâm suan lơn đŏng gay rgum ăp tơm ndơ tĭng ƀư trong nchrăp kan. Thủ tướng đă ăp nuĭh tâm Ban rđău đă an nău rgop mpeh nău rgâl nkra rpaih nău tâm di  njêng trong dơh soih an ntuh kơl bah doanh nghiệp, dak bah dih tâm nău rgâl ŭnh nar  n’hanh ăp nkô̆ nău êng ƀa ƀă ma nuĭh tâm Ban rđău đă, ăp n’gâng kan, ăp n’gor uănh khlay, đăp mpăn rnoh ngăch, săk tam bah rơh hop.