Ôi 15/7, ta Hà Nội, Thủ tướng Phạm Minh Chính, Kruanh Ban rđău đă rgâl dơh glêh siƀŭt bah Chính phủ ƀư tơm rơh hop tâl 8 bah Ban rđău  đă gay uănh năl lôch jêh an ƀư pah kan rgâl rgâl dơh glêh siƀŭt 6 khay bôk năm 2024 n’hanh trong rƀŏng, nău dơn kan 6 khay kêng dŭt năm 2024. Lah n’glôch jêh ta rơh hop, Thủ tướng Phạm Minh Chính rhơn rnê ăp nău lah dŭt di, lĕ nuih n’hâm, nău  dơn  kan  n’hanh grêt dăch ngăn ngăn bah ăp nuĭh ntơh măt mpeh nkô̆ rdâl rgâl dơh glêh siƀŭt.

Đah nău  nsrôih âk, dâk kan lĕ n’hâm suan, geh nău tam  Thủ tướng dăn đă ăp n’gâng kan, ăp n’gor, ăp nuĭh kan tâm Ban rđău đă n’hao nuih n’hâm dơn kan, ntik  n’hao nuih n’hâm nsan dôl geh, an tĭng ƀư tay ăp nău  dơn kan, trong nkra ntrôl dăng rgâl rgâl dơh glêh siƀŭt  du trong ngăn ngăn,  nsĭt tay nău tam  ngăn ngăn, kloh rvah, kơp  nđăp dơi, hŭch đêt prăk dŏng kan an nuĭh ƀon lan n’hanh doanh nghiệp, n’hao suan dăng tâm rlong bah ndơ geh ƀư, ndơ tăch  n’hanh jâng wăng sa, rgop ntrŭt ntrôl tĭng ƀư geh nău dơi ăp rnoh tât kan, nău dơn kan hun hao wăng sa- rêh jêng kon nuĭh năm 2024 n’hanh ăp năm bah kơi  nê.