Kêng măng 11/7, Ủy ban Thường vụ Quốc hội N’glôch jêh rơh hop tâl 7, Quốc hội khóa 15 n’hanh an nău rgop bôk năp mpeh pah kan nchrăp rơh hop tâl 8, Quốc hội khóa 15. Tâm nchră uănh năl, Rơh hop tâl 7, Quốc hội khóa 15 hŏ geh nău dơi uĕh lăng, lôch jêh nău kan  têh ta lĕ rngôch pe trong kan njêng pháp luật, groi nđôi n’hanh n’glêh an ăp nkô̆ nău khlay bah neh dak, rgâl mhe tay, tŏng nar lơn ma uĕh nău ŭch geh ngăn ngăn.

Tĭng nău nchrăp, rơh hop tâl 8 mbra ntơm pơk tâm nar 21/10 n’hanh mpôch dŭt nar 28/11. Ta rơh hop dja, nchrăp Quốc hội mbra mĭn uănh, an dŏng 11 trong nchrăp luật; an nău rgop 12 trong nchrăp luật; mĭn uănh ăp nkô̆ nău wăng sa  - rêh jêng kon nuĭh, ngân sách ngih dak, groi nđôi, ƀư ôp n’hanh ơh nău ôp  n’hanh ăp nkô̆ nău khlay êng ƀa ƀă. Kruanh Quốc hội Trần Thanh Mẫn an lah,  rnoh  âk nkô̆ njêng pháp luật, groi nđôi, n’glêh an ăp nkô̆ nău khlay ta rơh hop tâl 8 dŭt têh, âk nkô̆ jêr jêng tât ƀư tay rơh hop tâl 8 tĭng 2 rơh gay ăp nhih pah kan bah Quốc hội djăt, rblang ăp nău rgop bah Đại biểu Quốc hội đah rnoh săk tam nău ôp rnôk rblang dăn Quốc hội uănh an dŏng.