Nthoi tay rơh ôp n’hanh ơh nău ôp ta rơh hop tâl 7 bah Quốc hội, ôi 5/6, Bộ trưởng Bộ Công thương Nguyễn Hồng Diên lah kloh ăp nkô̆ công nghiệp ntop kơl tâm dak mô hŏ dơi tât rnoh ndơ̆ luh lah tă bah tơm ndơ n’hanh trong kơl  wăch rgum  ntuh kơl dak bah dih FDI.

Nkre, Bộ trưởng ƀư kloh ăp trong nkra gay ntop kơl doanh nghiệp tăch n’gluh  tâm let năp tay gay mât dŏng lĕ tơm geh bah ăp hiệp định dah rŏng tăch rgâl rơh mhe. Lah n’glôch jêh rmôt nkô̆ nău mpeh trong kan công thương, Kruanh Quốc hội Trần Thanh Mẫn lah rjăp, rơh ôp ƀư khuh n’gôr, dơn kan âk. Hŏ geh 40 tơ̆ đại biểu ôp n’hanh 6 đại biểu tâm rlăch. Bộ trưởng Bộ Công Thương hŏ ơh ăp tŏng ăp nkô̆ nău ăp đại biểu Quốc hội lah. Lôch rơh ôp, dăn đă Chính phủ, Bộ trưởng Bộ Công Thương n’hanh ăp Bộ geh tât tĭng ƀư geh nău tam ăp trong nkra ndơ̆ luh, tâm nê, ƀư wat jêh tay ăp tŏng pháp luật geh tât tăch rgâl điện tử, mât njrăng nuĭh dŏng ndơ; ntrôl ngăch tăch  rgâl, pơk hvi, âk  ntil ndơ tăch  lam ntŭr neh nkre đah n’hao săk kah nâp uĕh ndơ geh ƀư.