Ta rơh rƀŭn nchră, HĐND n’gor Đăk Lăk lĕ nglưh nău kan Ủy viên UBND n’gor Đăk Lăk khóa 10, năm kan 2016-2021 đah wa H’Yao Knul, Bí thư nkuăl Ủy nkuăl Krông Ana, tă kan kruanh dân tộc bâh Ủy ban nhân dân n’gor, nkô̆ nău lĕ rgâl pah kan ntŭk êng.

HĐND lĕ uănh năl nău geh săch ntop Ủy viên Ủy ban nhân dân n’gor Đăk Lăk khóa 10 , năm kan 2021-2026 đah wa Nguyễn Kính, kruanh ban dân tộc bâh Ủy ban nhân dân n’gor. Ta rơh rƀŭn nchră bôk nău tal 13 aơ, HĐND n’gor Đăk Lăk rgum tâm nchră uănh n’hêl 7 Nghị quyết khlăy, ngăch ndal, kơl an nău pah kan leo kan, mât uănh nău wăng sa rêh jêng bâh n’gor. Tâm nĕ, ăp Nghị quyết, nklơi jăng Nghị quyết bâh HĐND n’gor mpeh nău pă dăp rnoh tơm prăk ngih dak n’gor tât râng nău nchrăp kan ntuh kơl rdâk njêng trong Hồ Chí Minh ntŭk trong der mpeh luh nar nkuăl ƀon têh Buôn Ma Thuột, n’gor Đăk Lăk, Nghị quyết ntrŭnh mbơh rnoh kơl prăk sa an cán bộ, tahen đội K51 sŏng dăng ƀư pah kan joi, rgum nting tahen khĭt ta dak bah dih, Nghị quyết ntrŭnh nkô̆ nău, rnoh dŏng ƀư tĭng Đề án “rdâk njêng nău rêh jêng nti kan lvang năm 2021-2030”.