Ta rơh rƀŭn nchră, UBND nkuăl Đức Cơ lĕ ký n’hanh mbơh nău kahgĭt tâm kơl ntuh kơl an 7 nău nchrăp kan bâh 7 nuĭh ntuh kơl ta ăp trong kan tơm kơt lah ndơ dŏng ntung trong, dak si, tuch tăm, mât bri. Đức Cơ lah nkuăl mpeh nhâp nar n’gor Gia Lai, geh ntŭk kan khlăy tâm pe dak hun hao Việt Nam- Lào- Campuchia.

Kơp tât năm 2023, nkuăl Đức Cơ lĕ geh 13 rbăn ha tơm cao su, 26 rbăn ha tơm điều, 9 rbăn ha tơm cà phê, bơi tât 1 rbăn ha sầu riêng n’hanh 680 ha tiêu. Ta meng nĕ, n’gâng kan mât rong bâh nkuăl lĕ dôl hun hao đăp mpăn. Rlău ma nĕ, nkuăl Đức Cơ geh âk nău dơi mpeh hun hao pâl nđaih, ngăn lah pâl nđaih ntŭk rêh jêng. Đah ăp nău dơi, nău geh mhe mbơh, nkuăl Đức Cơ mpŏng hun hao n’hanh geh âk ntuh kơl ta ăp nău nchrăp kan tuch tăm, hun hao wăng sa rêh jêng tuch tăm tĭng trong n’hao nău khlăy hun hao, ngăn lah n’hao săk rnglăy n’hanh nău dơi tâm rlong bâh ăp ntil ndơ tuch tăm tơm bâh nkuăl ta ntŭk tăch rgâl.