Mpŏng kan tâm rgop tâm let năp tay, Thủ tướng lah na nê̆ tay du đê̆ nkô̆ nău geh1  nău kan tơm. Tâm nĕ, nău kan tơm khlăy lah n’hao nău dơi, săk rnglăy nău pah kan tâm rgop đah 2 ding. Tal 2, mât uănh tâm kơl nău rêh n’hanh nău mĭn bâh nuĭh pah kan.

Ntrôl dăng tâm nchră, tâm mbơh nău ntŭk kan, tơm lah prăk khay, prăk nkhôm, mông nar pah kan, mông nar rlu rlău, mât đăp mpăn nău kan, mât kơl an ăp nuĭh mô dơi tâm nău rêh, geh nău rêh jêr jŏt, nkual njônh ngai, nkual n’har bri, gôl dak. Thủ tướng lah na nê̆, an geh mât uănh âk tât nău ngih gŭ an nuĭh pah kan. Tal pe mât nău dơi kan, nău dơi geh tâm di bâh nuĭh pah kan tĭng Hiến pháp, pháp luật n’hanh ting nău ntrŭnh, nău kơl bâh Đảng. N’hao nău uănh, ôp nău, uănh nđôi ƀư tĭng nău kan kơl an, pháp luật geh tât nău dơi, nău geh bâh đoàn viên, nuĭh pah kan n’hanh ntŭk kan công đoàn.