Lơ 14/1, ta ntŭk kan Chính phủ, Thủ tướng Phạm Minh Chính, Kruanh Rnâng kan rđau nau kan neh dak mpeh nau tâm rnglăp lam ntur neh ƀư tơm nar rƀŭn lôch nau kan năm 2025 ndrel nau rƀŏng tâm năm 2026. Ntoh nau tâm nar rƀŭn, Thủ tướng Phạm Minh Chính mbơh kloh nau tă geh dơi blau tâm rơh rƀŭn lam ntur neh, tĭng nê ân geh mât ân rjăp nau kan, nau dơi ngăn, ntrŭt dăng nau mĭn njêng, mbơh nchoh nau rƀŏng gay gay ndâk nau nchrăp ƀư nau kan tâm rơh rƀŭn lam ntur neh. Ân geh tâm rgop n’hâm dăng bah rnoi mpôl ndrel n’hâm dăng rơh mhe, Ngih dak, ƀon lan ndrel ntŭk kan tăch rgâl.

Ân geh ntô̆ n’hao nau tâm rnglăp lam ntur neh ndrel chủ nghĩa âk ding tâm rơh tâm rnglăp lam ntur neh, Thủ tướng lah rjăp nau tâm rnglăp gay njêng n’hâm dăng, tâm boh geh nau dơi ndrel tâm nchră n’hao nau tâm rnơm. Mpeh nau kan năm 2026, Thủ tướng lah rjăp aơ lah năm dâk bôk ân rơh tâm nchră tâm rnglăp mhe bah neh dak tâm rach năm mhe, ƀư nau ntrŭnh, ntrong kan tâm nchră bah Đại hội Đảng tal XIV ndrel ndŏ luh nau đă đah nau kan tâm boh đah dak ba dih./.