UBND nkual ƀon têh Đà Lạt, n’gor Lâm Đồng mhe sa nkra trong nkual ƀon têh hăn jâng Trần Quốc Toản kơh  n’glău Xuân Hương thơ mộng. Aơ lah ndơ pâl nđaih mhe dơi ndơ̆ an dŏng gay n’hŭch nău âk nuĭh bah nkual ƀon têh hăn jâng ta nkual chợ măng Đà Lạt. Trong nkual ƀon têh hăn jâng Trần Quốc Toản njok tĭng trong kơh n’glău Xuân Hương n’hanh tanh Golf Đồi Cù xanh ngát, tât n’gar nkao nkual ƀon têh Đà Lạt, đah dĭng lĕ jong 1,6 km.

Tâm mông nar bah nkual ƀon têh hăn jâng dơi UBND nkual ƀon têh Đà Lạt pă an ăp sân khấu jêt njoh mprơ nghệ thuật rhŏ an ƀon lan n’hanh năch, kơt: kreh gutar n’hanh kèn harmonica, violin, njroh Zumba, ntŭk ntô ƀư ê nkra nghệ thuật, ăp rmôt nhạc njroh mprơ dah rŏng... Nar ƀư bah nkual ƀon têh hăn jâng bah 6 mông tât 10 mông măng ăp nar 6,7 n’hanh nar pơh ăp pơh. Nkual ƀon têh hăn jâng lah ntŭk ntô uănh nsong, pâl rlưn, tâm di nău ŭch hăn nsong, djăt uănh văn hóa-nghệ thuật, ngêt sa bah năch, rgop mât nău khlay di tích thắng cảnh gưl ngih dak n’glău Xuân Hương