Groi Thủ tướng Trần Hồng Hà mhe ƀư tơm rơh hop sŏk nău rgop mpeh trong nchrăp “Hun hao ntĭm nti têh jong tât năm 2030, uănh ngai tât 2045”. Tĭng trong nchrăp bah Bộ Giáo dục n’hanh Đào tạo, nău ŭch bah “Trong nchrăp hun hao ntĭm nti lvang năm 2030, uănh ngai tât 2045” lah hun hao kon nuĭh Việt Nam lam lĕ rngôch, ntik n’hao lĕ săk  geh, nău dơi blău mhe bah ăp nuĭh…rdâk njêng lam rêng ntĭm nti pơk hvi, geh nău tâm ban, rhŏ dŏng an kơt nti tât dŭt nău rêh, tĭng di rnoh, têh blău mhe, geh nău tâm ban, lam rêh jêng kon nuĭh n’hanh lăp rgum dak bah dih, tât năm 2030 geh nău gĭt blău mhe bah nkual châu Á. 

Lah ta rơh hop, Groi Thủ tướng lah rjăp, trong nchrăp jŏ jong ân rôih tĭng trong rƀŏng di, nkre geh nău  bên di n’hanh đăt ndal. Nău an ƀư trong nchrăp ân dơi rgum nău tât râng bah lam trong kan, tâm nê geh mpôl kan bah dih ngih dak gay tơm ndơ rgop ndrel ngih dak n’hao âk ntuh kơl, nsĭt geh nău tam an ntĭm nti. Nkre, ân mĭn tât nău tâm n’guăk bah lam trong kan wăng sa, ăp n’gâng kan công nghiệp tâm let năp tay, nău dơn  kan bah ăp doanh nghiệp tâm rnôk râng tâm rnôk tor luh rnoh tât kan, nău ŭch ndơ̆  luh đah n’gâng kan ntĭm nti./.