Nău kan geh ntơm ƀư bôk năm 2021, ntơm mbơh tơih tâm ban bâh bôk năm 2022 ta rnoh neh rlău 1.810 ha. Tât aƀaơ, âk nău kan tơm bâh nău nchrăp kan lĕ geh ƀư lôch, lĕ lôch ăp nău kan rlong mpăr n’hanh uănh năl  ueh trong mpăr. Tĭng nău geh mĭn uănh bâh rmôt kan pah kan tach ndeh păr (Air Transport Action Group), rnôk an lăp dŏng, tach ndeh păr pă nău kan đăp mpăn an klâp ma 22 rbăn nuĭh kan, tâm rgop an klâp ma 3,7 rmen đôlar/năm..Đah nău nsrôih âk, nău ngăch rdâk njêng tach ndeh păr Long Thành-lvang 1 nsrôih an geh ƀư lôch ta năp lơ 19/12/2025 an tâm di đah rơh mpăr mpeh kĩ thuật, ndơ̆ nău kan leo dŏng, sŏk dŏng kan ta bôk năm 2026...Nglôch lôch rơh pah kan Tổng Bí thư Tô Lâm rnê ăp n’gâng kan, ntŭk kan geh tât lĕ nsrôih njoat bôk năp mât đăp mpăn nău kan di đah ngăch kan. Lah na nê̆ nău khlăy bâh nău kan, Tổng Bí thư đă, an geh rdâk ƀư tach ndeh păr lam ntur neh Long Thành leo kan đah nău rlet rlău ăp êng, hăn lor bôk năp, lah nău kan mhe mpeh ndơ dŏng ntung trong ueh mhe, nâp nâl n’hanh ueh mhe, jêng ntŭk tât ueh ngăn ta Đông Nam Á. Ta rơh pah kan, Tổng Bí thư lĕ an tâm rgop mpeh du đê̆ nău dăn đă bâh ăp ntŭk, nuĭh leo ntuh kơl n’hanh pă an ntŭk kan Trung ương Đảng rgum nsum, njoăl tât ăp ntŭk kan geh tât mĭn uănh, uănh n’hêl ngăch ndăn gay ma doh rklaih tĭng nău dơi, mât đăp mpăn an tâm di đah nău ntrŭnh bâh pháp luật n’hanh đah nău kơl kan âk gay ma nău nchrăp kan ƀư lôch di nar, hun hao nâp nâl ta rơh mhe.