Nthoi tay rơh tâm mâp tâm rnglăp n'hanh tâm boh ƀon lan Việt Nam – Campuchia tâl V, kêng măng 7/11, ta n'gor Dak Nông hŏ ƀư bôk nău kan tâm mâp tâm nđŭr đah Mpôl ntơh măt bar dak Việt Nam – Campuchia đah tahen ơm hăn kơl êng, nuĭh rnâng kan ơm, tahen n'har bri n'hanh druh ndăm n'gor Dak Nông.

Râng bôk nău kan, mpeh Campuchia geh wa Vann Phal, Nuĭh ơm gĭt kan nsŏng kơl an Thủ tướng Hun Sen, Groi kruanh Hội tâm rnglăp Campuchia-Việt Nam ƀư kruanh mpôl leo hăn ndrel ntơh măt ăp gưl, n'gâng kan, ăp n'gor Campuchia. Ta rơh mâp, ntơh măt an druh ndăm râng tâm nđŭr tâm mâp,  yuh H’Hồng, Groi Bí thư Tỉnh đoàn Dak Nông mpơl nău nkah gĭt, uănh khlay đah ăp nău roh yot bah ăp rơh kơn u che yor an nsĭt tay nău đăp mpăn dah rŏng, n'hanh rdâk njêng tâm boh tâm rnglăp krêp dêh đah bar dak Việt Nam - Campuchia. Druh ndăm Dak Nông lah êng n'hanh druh ndăm bar dak lah nsum mbra nsum suan bun dăp hun hao tâm boh mha êng dja.

VOV Tây Nguyên/Nuĭh rblang: Điểu Thân