Nar ntri (3/4), Bí thư Tỉnh uỷ Dak Lak Nguyễn Đình Trung hŏ ƀư tơm tâm nchră Ban chấp hành Đảng bộ n’gor Dak Lak tâl 22 năm 2024 (pơk hvi).

3 khay bôk năm, rnoh khlay lĕ rngôch ndơ geh ƀư ta n’gor Dak Lak nchroh geh rrlău 12.300 rmen prăk, hao 3,5% rđĭl đah ndrel khay dja năm bah năp nơh, sŏk geh ngân sách rlău 2.390 rmen prăk, dah 34,2% trong nchrăp sŏk dŏng trung ương jao, ăp ntil ndơ tăch n’gluh tơm hun hao uĕh, nsĭt geh tăch n’gluh tât bơi 500 rkeh đôlar, hao rlău 29% rđĭl đah ndrel khay dja năm e  nơh. Lah ta rnôk  tâm nchră, Bí thư Tỉnh uỷ Nguyễn Đình Trung an gĭt wăng sa rêh jêng kon nuĭh bah n’gor geh ăp nău mpơl hun hao uĕh, yơn hôm âk rnoh nău kan mô hŏ dơi tât trong nchrăp. Let năp tay, n’gor ân ntrŏng nău dơn kan rgum tơm, trong nkra đăt ndal geh nău dơi,  nkre đah rgum dŏng geh nău tam ăp tơm ndơ. Nkre nchŏng luh trong ƀư tâm di đah ngăn ngăn, nău geh bah n’gor, đơn vị gay rđău đă tĭng ƀư geh nău dơi nău dơn kan năm 2024”.