Ôi ntri (1/7) Tâm nchră Ban Chấp hành Đảng bộ n’gor Dak Lak tâl 25 (pơk hvi) hŏ ƀư gay uănh năl nô nău tĭng ƀư nău dơn kan pah kan 6 khay bôk năm, n’gluh nău dơn kan rgum tơm 6 khay kêng dŭt năm  n’hanh nkra nău kan n’glĕ nău dơi kan.

Ta tâm nchră, ăp đại biểu hŏ tâm nchră, n’gluh ăp trong nkra hun hao wăng sa- rêh jêng kon nuĭh 6 khay kêng dŭt năm.  Lah ta rnôk  tâm nchră,  wa Phạm Ngọc Nghị, Groi Bí thư Tỉnh ủy, Kruanh Ủy ban nhân dân n’gor Dak Lak dăn đă ăp gưl ủy, n’gâng kan rgâl mhe tay, n’hao săk tam pah kan rđău đă, ôp uănh, ntrŭt ntrôl an tĭng ƀư ăp nghị quyết, nău ntrŭnh bah trung ương, bah n’gor; n’hao dăng hăn ôp uănh, groi nđôi, n’hao săk tam pah kan nội chính, njrăng n’gang sa khâm, mpŭng lir, tih djơh n’hanh rgâl dơh glêh siƀŭt kan. Lơn lah, ăp nkuâl ă đơn vị ân lor nchrăp, ngăch nkra ăp nkô̆ nău mhe ntoh.