Ôi nar 11/11/2022, Tâm nchră gưl têh ASEAN tâl 40, 41 hŏ ntơm pơk ngăn ta Thủ đô Phnôm Pênh bah Campuchia đah nău tât râng bah Kruanh rđău kan ăp ASEAN, Tổng Thư ký ASEAN n'hanh âk ntơh măt mpôl tâm boh, mpôl kan dak bah dih. Thủ tướng Chính phủ Phạm Minh Chính leo mpôl ntơh măt Việt Nam râng ntơm pơk. Lah ta rơh ntơm pơk, Thủ tướng Campuchia Samdech Techo Hun Sen mpư n'hao nău khlay nkah ndray 55 năm njêng ASEAN, rlău du njăr trong jong bah tâm rgop n'hanh tâm boh nkual, ntrŭt ntrôl nău tâm rnglăp đah ăp nuĭh tâm rnăk ASEAN yor nău ŭch nsum lah bah tâm lơh tâm su, nsrôih ndôr êng n'hanh hun hao.

Tâm nchră gưl têh ASEAN 40, 41 n'hanh ăp Tâm nchră gưl têh geh tât lah rnôk gay ăp dak ndrel uănh tay n'hanh nsrôih an du nău tâm rnglăp, nsrôih ndôr êng, nkrum lam n'hanh nsing tâm luật. Âk nău mbơh khlay mbra dơi uănh an dŏng kơt nău mbơh nkah ndray 55 năm njêng ASEAN, nău mbơh ASEAN dâk kan: Ndrel rdâng lơh đah ntul rlong n'hanh nău mbơh trong nchrăp buăt nthoi ASEAN bah kơi 2025, lah ăp trong rƀŏng gay ntrŭt ntrôl tâm boh wăng sa,  hun hao tâm ban, buăt nthoi rloh rlău n'hanh mât nău khlay ƀư tơm bah ASEAN tâm n'guăk tâm nkual.

Lôch rơh ntơm pơk, Kruanh rđău kan ăp dak ASEAN râng rơh hop rgum lam lĕ rngôch Tâm nchră gưl têh ASEAN tâl 40 n'hanh rơh hop êng Tâm nchră gưl têh ASEAN tâl 41./.

VOV/Nuĭh rblang: Điểu Thân