Ôi 5/4, ta Hà Nội, Liên minh hợp tác xã Việt Nam ƀư tâm nchră pơk sŏng dăng “Hun hao n’hanh wăch rgum tơm nuĭh kan săk blău an nkual wăng sa mpôl, hợp tác xã”.

Tât aƀaơ, lam dak geh 31 rbăn 364 hợp tác xã, 133 liên hiệp hợp tác xã n’hanh 120 rbăn 983 rmôt tâm boh. Ăp năm rlău aơ, ăp hợp tác xã hun hao âk ntil lơn mpeh n’gâng kan đah rnoh têh hvi n’hanh nău gĭt blău ntop kơl uĕh lơn an ăp nuĭh lăp kan nsum, nta joi nău kan n’hanh n’hao nsĭt geh wăng sa âk an nuĭh kan. Yơn lah, bah meng tơm ndơ mpeh prăk kaih, ăp hợp tác xã aƀaơ hôm dôl nkra mpeh nkô̆ nău săk blău tơm nuĭh kan…Tĭng ăp nuĭh ntơh măt, ntĭm nti, kơi năp nău gĭt blău an tơm nuĭh kan nkual hợp tác xã lah nău dŭt khlay, lah ngoăy tâm ăp rmôt trong kơl dơi Ngih dak ntop kơl, mpơl nău kloh tâm Luật hợp tác xã năm 2023. Tâm rnôk aƀaơ, ân uănh năl jru mpeh trong kơl n’hanh geh ăp trong nkra geh nău tam n’hanh ngăn ngăn tâm trong ntĭm nti tơm nuĭh kan bah wăng sa mpôl, hợp tác xã./.