VOV4.M'nông: Nar 16/9, UBND n'gor Dak  Nông ƀư Tâm nchră khoa học sŏk nău rgop Dăp rgum n'gor Dak Nông rơh năm 2021 -2030 uănh ngai tât năm 2050, đah nău tât râng bah âk nuĭh rnâng kan dâk  bôk năp, công ty mbơh nti dak bah dih, ntơh măt ăp tập đoàn têh.

Ta rơh tâm nchră, ăp nuĭh hŏ rblang, rgop nău gay n'gor Dak Nông năl saơ kloh lơn ăp nău nchiăng khan n'hanh dăn đă ăp trong nkra gay n'gor ntik n'hao, mât dŏng geh nău tam ăp săk geh, suan dăng, njêng suan đăt ndal tâm hun hao wăng sa- rêh jêng kon nuĭh. Tĭng Tiến sỹ Nguyễn Trọng Uyên, Groi viện trưởng Viện quy hoạch n'hanh weh ƀư tuch tăm mât rong ơm, ngoăy tâm ăp nkô̆ nău uănh khlay tâm dăp rgum dja lah Dak Nông ân mât uĕh tay ăp nău săk geh mha êng. Nău mha êng bah n'gor lah rnoh âk bô-xít dâk bôk năp lam ntŭr neh, geh n'hâm sial trôk nar nđik uĕh wăr năm, geh ndru tơm me yôk ŭnh lam ntŭr neh UNESCO; hôm geh ntŭk gŭ dơh uĕh ta mpông rlong buăt nthoi Tây Nguyên đah Đông Nam Bộ, lah ăp ndơ geh gay n'gor ntik hun hao dăng mpeh công nghiệp kuĭh joi loih kông n'hanh pâl nđaih./.

Nuĭh rblang: Điểu Thân