Ôi 16/11, ta Nhih pah kan Trung ương Đảng, ta nâm nău ƀư tơm bah Tổng Bí thư Nguyễn Phú Trọng, Bộ Chính trị, Ban Bí thư ƀư tâm nchră lam dak mbơh gĭt n'hanh an tĭng ƀư Nghị quyết mbrô 26 bah Bộ Chính trị mpeh trong rƀŏng hun hun hao wăng sa- rêh jêng kon nuĭh, đăp mpăn njrăng n'gang neh dak,rnă njrăng hun hao nkual Bắc Trung Bộ n'hanh duyên hải Trung Bộ tât năm 2030, uănh ngai tât năm 2045 tĭng trong ƀư mâp na nê̆ n'hanh pơk sŏng dăng bah Thủ đô Hà Nội tât ăp ntŭk ƀoh gưl n'gor, gưl nkuâl n'hanh tâm dâng.

Lah ta rnôk rđău đă tâm nchră, Tổng Bí thư Nguyễn Phú Trọng lah rjăp, nău mĭn, nuih n'hâm rđău đă bah Nghị quyết lah hun hao nkual Bắc Trung Bộ n'hanh Duyên hải Trung Bộ ân tâm di đah hun hao wăng sa- rêh jêng kon nuĭh jŏ jong, hun hao neh dak kloh uĕh n'hanh trong hun hao wăng sa dak lêng Việt Nam nâp dăng. Hun hao jŏ jong mpeh dak lêng, ƀư geh ndrŏng bah dak lêng nsing ta nău săk geh, dơh uĕh, lơn lah mpeh dak lêng; hun hao n'hanh n'hao nău dơi tam dŏng ăp ndơ dôl geh aƀaơ; ăp nkual wăng sa meng dak lêng, nkual công nghiệp, ăp nkual ƀon têh meng dak lêng, ăp trong soih aih wăng sa; ăp bôk hun hao, ăp ntŭk rgum nkual n'hanh nkual suan ntrôl; ăp n'gâng kan wăng sa dak lêng.

VOV/Nuĭh rblang: Điểu Thân