Ôi ntri (25/3), ta Hà Nội hŏ ntơm pơk tâm nchră lam dak n’glôch jêh pah kan HĐND ăp n’gor, nkual ƀon têh mpeh Trung ương năm 2023 n’hanh an ƀư trong nchrăp pah kan năm 2024

Lah ta rnôk ntơm pơk an ƀư tâm nchră, Groi kruanh rnâng kan Quốc hội Trần Thanh Mẫn lah kloh, nău kan bah Quốc hội Khóa XV n’hanh HĐND năm kan 2021-2026 hŏ geh âk rgâl mhe, ndơ̆  luh ăp trong nkra gay tĭng ƀư jăp lơn nău dơi groi nđôi, ntĭm nti nău kan bah HĐND, ntơm bah ƀư lôch jêh siƀŭt tâm di tât nău n’hao dăng ăp nău kan nkre đah Quốc hội, Ủy ban Thường vụ Quốc hội, ăp nhih pah kan bah Quốc hội, nhih pah kan mpeh Ủy ban Thường vụ Quốc hội đah HĐND ăp n’gor, nkual ƀon têh. HĐND geh âk nău nsrôih, rgâl mhe tâm leo tĭng ƀư ăp nău dơn kan; groi nđôi trong nchrăp, gung trong bah Đảng, trong kơl, pháp luật bah Ngih dak; ƀư  jêng ngăn ngăn ăp Nghị quyết, trong kơl, tŏng ngăch đah nău ŭch  geh ngăn ngăn ta tĭng n’gor; rgop khlay tâm nău tĭng ƀư ăp rnoh tât kan hun hao wăng sa-rêh jêng kon  nuĭh, njrăng n’gang neh dak ,  rnă njrăng, tâm boh dak bah dih bah tĭng n’gor n’hanh lam dak./.