Ôi 21/11, ta Hà Nội ntơm pơk Tâm nchră nkual mpeh tĭng ƀư nău njrăng đă bah Ủy ban Công ước mpeh jut jăng bah ăp trong mưch rmot đah bu  ur n'hanh Ủy ban Công ước mpeh nău dơi kon se n'hanh mpeh Quốc tịch tâm ASEAN.

Tâm nchră lah nău kan tă bah Việt Nam ƀư tơm  tâm trôm bôk nău kan nchrăp pah kan tâm lvang năm 2021-2025 bah Ủy ban ASEAN mpeh Ntrŭt ntrôl n'hanh Mât njrăng nău dơi bah bu ur n'hanh kon se. Ta rơh tâm nchră, ntơh măt ăp dak lăp kan nsum ASEAN uănh năl mpeh rnoh ngăch tĭng ƀư ăp nău njrăng đă dơi n'gluh tâm siƀŭt mbơh nkual mpeh Ntrŭt ntrôl lăp rgum nâp dăng jŏ jong bah nsum  mpôl ASEAN ma nău mât đăp mpăn ntŭk  gŭ kan tâm di bah bu ur n'hanh kon se ASEAN tă bah Việt Nam tâm pă rdâk njêng tâm trong nchrăp pah kan bah Ủy ban ASEAN mpeh ntrŭt ntrôl n'hanh Mât njrăng nău dơi bah bu ur n'hanh kon se lvang năm 2016-2020. Bah meng nê, ăp nuĭh ntơh măt nkoch mpeh ăp nău nsrôih bah Việt Nam tâm nău nkra siƀŭt quốc tịch, hộ tịch an nuĭh mô geh quốc tịch, nuĭh dah rŏng ntrơn du tâm bah ri aơ nơh n'hanh dăn đă ăp trong kan tâm boh tât năm 2025.

VOV/Nuĭh rblang: Điểu Thân