Nar nđaơ (30/1), ta nkual ƀon têh Đà Lạt, UBND n’gor Lâm Đồng lĕ ƀư Rgum nchră dăp rgum nsum nkual ƀon têh Đà Lạt n’hanh nkual kiău ma tât năm 2045. Râng geh ntoh măt Rmôt kan dăp rgum hun hao nkual ƀon têh, Rmôt kan kiến trúc sư Việt Nam ndrel âk nuĭh way kan tâm dak n’hanh dak bah dih. Tĭng nĕ, têh hvi, kâng n’har n’hanh têh mĭn njêng geh lĕ rngôch ntŭk neh hành chính TP Đà Lạt n’hanh ăp nkuăl Lạc Dương, Đơn Dương, Đức Trọng n’hanh du gâl nkuăl Lâm Hà, pơk hvi tĭng trong bah prêh 850 mét let lơ nkôp đah măt dak lêng; rnoh neh kâng n’har dăp rgum tât 336 rbăn ha, âk bơi 10 tơ̆ rnoh neh Đà Lạt aƀaơ hin.

Tĭng KTS. Trần Ngọc Chính, Kruanh Rmôt kan dăp rgum hun hao nkual ƀon têh Việt Nam, gay mât ndrăy ntĭt mpơl êng bah Đà Lạt tĭng năm, rƀŏng tât rnoh an ƀư hao jêng uĕh nđĭr n’hanh rdâng rgâl trôk nar, dŭt ŭch geh du trong rƀŏng jŏ jong, ăp trong ƀư nău kơl an êng mhe ƀư tĭng lôch uĕh nău mĭn dăp rgum nsum TP Đà Lạt n’hanh nkual kiău ma tât năm 2045 jêh rnôk dơi Thủ tướng Chính phủ uănh an.