Ndrel ma kon se lam dak, kêng măng 26/6, ăp kon se râng thi lôch jrâu 12 năm 2024 bah n’gor Dak Lak hŏ tât ƀư săm ƀŭt đăng ký râng thi. Âk ngăn ăp kon se mbơh saơ ueh tâm nuih n’hâm rnôk hăn thi. Rnâng kan rđau rơh thi ăp gưl đă ăp ntŭk thi pơk trong ueh ngăn gay ăp kon se geh nuih n’hâm ueh ngăn tâm rnôk thi lôch jrâu 12 năm aơ, n’gor Dak Lak geh rlau 21 rbăn kon se đăng kí râng thi tâm 33 ntŭk, đah rlau 870 jrâu thi tâm ăp nkuăl, nkuăl têh, nkuăl ƀon têh. Rlau 3000 cán bộ, nai uănh thi, njrăng ndrel kơl an ăp ntŭk thi.

Gay ăp kon se geh nuih n’hâm ueh, n’or rnôk lôch rơh râng thi, wa Phạm Đăng Khoa, Giám đốc n’gâng kan ntĭm nti n’gor Dak Lak, Groi rnâng kan rđau kan rơh thi lôch jrâu 12 gưl n’gor đă Rnâng kan rđau rơh thi ăp gưl pơk ăp trong nơih gay kơl an ân ăp kon se râng thi.

Lâm Đồng geh bơi 15.500 nuĭh đăng ký râng thi, tâm nê geh  rlău 2.500 nuĭh rnoi mpôl đê̆. Gay đăp  mpăn rơh thi ƀư đăp mpăn, răp jăp, di nău way n’hanh soih rsong hăn, rlu rlău, Lâm Đồng hŏ tâm pă 675 jrô thi ta 39 ntŭk thi ta ăp  nkuâl, nkual ƀon têh tâm n’gor.

Tĭng wa Phạm S, Groi kruanh UBND n’gor Lâm Đồng, ndrel đah tŏng ăp drăp ndơ dŏng, nuĭh ƀư mât uănh thi, n’gor hôm uănh khlay tât pah kan đăp mpăn hăn ntung trong, kloh uĕh ndơ ngêt sa, ntŭk gŭ  rlu an ăp  nuĭh râng thi bah ngai đŏng. Aƀaơ ăp nău nchrăp kơt lah hŏ wat jêh, nchrăp gay ƀư an rơh thi đăp mpăn, răp jăp, ngăn ngăn n’hanh tĭng di nău way.