Nar aơ (27/06), rlău 1 rkeh kon se nti bah 63 Hội đồng thi lam dak lăp tâm nar thi bôk năp, rơh thi tốt nghiệp THPT năm 2024 đah 2 môn thi lah Ngữ văn n’hanh Toán. Bah ôi, kon se ƀư  bài thi Ngữ văn tĭng trong tự luận, ƀư bài jŏ tâm 120 mnĭt. Kêng măng kon se thi Toán tĭng trong ƀư trắc nghiệm, ƀư bài jŏ tâm 90 mnĭt.

Ngữ văn lah môn thi tự luận tâm rnoh ăp môn thi tốt nghiệp THPT 2024 n’hanh lah môn dơi uănh lah “lha vé” kơl ăp kon se geh  trong n’hao lĕ rngôch rnoh điểm bah he. Tĭng Bộ Giáo dục n’hanh Đào tạo, dăp đề thi môn Ngữ văn thi tốt nghiệp THPT 2024 mbra mô geh nău rgâl  âk rđĭl đah ăp năm bah năp nơh n’hanh lơn âk gŭ tâm siƀŭt nti jrô 12. Thứ trưởng Bộ Giáo dục n’hanh Đào tạo Phạm Ngọc Thưởng mpŏng ăp kon se mât n’hâm suan, han săk lăp tâm  rơh thi, ƀư bài tĭng di ăp ntil hŏ ôn tập, tĭng trong ntĭm nti bah nai ntĭm nti n’hanh di nău way thi gay dơi geh kơt nău ŭch rŏng.