Ta ntŭk kan Chính phủ, Thủ tướng Chính phủ Phạm Minh Chính ƀư tơm nar mbơh ndâk neh dak APEC 2027. Tâm nar rƀŭn mbơh nau ntrŭnh bah Thủ tướng Chính phủ mpeh nau ndâk Uỷ ban neh dak APEC 2027 geh 19 nŭih, tâm nê, Groi Thủ tướng, Kruanh N’gâng kan nchră nau Bùi Thanh Sơn lah Kruanh Uỷ ban neh dak APEC 2027. Ntoh nau tâm nar mbơh, Thủ tướng Phạm Minh Chính lah rjăp: Aơ lah nau kan khlay, lah rjăp nau uănh khlay ndrel nau nsôih bah Việt Nam tâm nau ntrŭt dăng ngăch nau nchrăp ân Năm APEC 2027, du nau kan chính trị tâm nchră ma dak ba dih khlay ngăn đah Việt Nam.

Thủ tướng rnơm đah nuih n’hâm tâm ban, nsu nsôih khlay ndrel nau kan rjăp bah Việt Nam, đah nau kơl an jâng văng sa kan nsum ndrel Ban Thư ký APEC, năm APEC 2027 mra geh nau dơi, rgop nau leo tâm boh APEC hao du nhoat prêh mhe, tŏng dơi nau ŭch bah ăp dak kan nsum ndrel rgop nau leo đăp mpăn, tâm boh, hun hao ndrel nâp nâl tâm Châu Á-Thái Bình Dương ndrel lam ntur neh./.