VOV4.M’nông – Ôi 22/9, ta Ngih Chính phủ, Thủ tướng Chính phủ Phạm Minh Chính ƀư tơm rơh rƀŭn Chính phủ bôk nău mpeh ndâk njêng pháp luật khay 9 năm 2022. Ntoh ngơi ta rơh rƀŭn, Thủ tướng Phạm Minh Chính lah rjăp, nu nău hun hao wăng sa lah nsum dôl mâp âk jêr jŏt, hao jêng geh trong hŭch, ntoh hao khlay mhe hao.

Ntŭk rƀŭn Thủ tướng Chính phủ ƀư tơm rƀŭn.

Dăch aơ, ăp ngân hàng trung ương bah Hoa Kỳ, EU, Anh, Nhật Bản geh trong hao prăk kon, n’hao khlay prăk kaih ri n’glơi an ƀư n’hŭch rnoh khlay prăk ăp dak, khuch dŭt têh ăp dak, tâm nĕ geh Việt Nam. Chính phủ an ndơ̆ du đêt nău kan mkra gay rdâng nu nău jêr jŏt aơ. Ta rơh rƀŭn Thủ tướng đă ăp nuĭh Chính phủ an rgop mpeh ăp nău nchrăp ƀư luật, lơn lah nău dăp rgum, aơ lah nău têh n’hanh jêr, yor nê Thủ tướng đă an mông nar, n’hâm soan, bôk rngok gay rgop tâm ăp nkô̆ nău khlay bah ăp nău nchrăp ƀư luật.

Nŭih blang: Y Sưng Phê Ja