Ôi 11/7, Thủ tướng Chính phủ Phạm Minh Chính ƀư tơm rƀŭn rnâng kan Chính phủ đah ăp n’gâng kan, nău kan bôk nău rgop an tâm nchră ntrŭnh an ntuh kơl trong ndeh treng cao tốc ta trong Bắc-Nam. Ta rƀŭn nchră, Rnâng kan Chính phủ n’hanh kruanh ăp n’gâng kan nău kan lĕ djăt n’hanh tâm nchră mpeh rnôk mĭn njêng, ndâk ƀư bôk nău rgop an tâm nchră, mbơh lĕ rngôch mpeh nău rgop an tâm nchră, kơt dăn đă trong ƀư, njoat hăn, công nghệ, prăk kaih n’hanh ăp nău geh tât ndâk njêng trong ndeh treng cao tốc Bắc-Nam.

N’glôn jêh rơh rƀŭn, Thủ tướng Chính phủ Phạm Minh Chính đă ndrel đah ndâk njêng bôk nău rgop an tâm nchră, ntrôl jao an công nghệ, mât uănh uĕh, mhe tâm mât uănh, joi ƀư nchoăn rdêng n’hanh ntung trong; ƀư ntĭm nti nuĭh kan, hăn ndrel đah hun hao công nghiệp trong ndeh treng n’hanh ntŭk ntô trong ndeh treng đah trong hăn tâm di. Tâm ban đah ndâk njêng bôk nău rgop an tâm nchră ntrŭnh an ntuh kơl trong ndeh treng cao tốc trong Bắc-Nam mbơh an ăp gưl dơi mkra tâm năm 2024, ndâk ƀư ăp bôk nău rgop an tâm nchră nkra ăp trong ndeh treng hôm e aƀaơ, bah năp măt kơl lor ntuh kơl trong ndeh treng Lào Cai-Hải Phòng.