VOV4.M'nông: Ôi 14/9, ta Hà Nội, Thủ tướng Chính phủ Phạm Minh Chính ƀư tơm rơh Tâm nchră ŭanh năl di tay dăp rgum lam dak lvang năm 2021-2030, uănh ngai tât năm 2050. Lah ta rnôk tâm nchră, Thủ tướng Phạm Minh Chính lah rjăp, pah kan dăp rgum geh nkô̆ dŭt khlay.

Dăp rgum lam dak dja dŭt khlay, ƀư jêng dơi ngăn ngăn gung trong Đại hội tâl XIII bah Đảng, ƀư jêng ngăn ngăn Cương lĩnh rdâk njêng neh dak tâm rơh rlău dơi hao CNXH, ăp Nghị quyết way rnâng kan bah Trung ương, lơn lah Nghị quyết Đại hội tâl XIII bah Đảng. Aơ lah lor bôk năp, Việt Nam tĭng ƀư dăp rgum lam dak gay ŭanh năl tay nău ngăn geh du trong ngăn ngăn, nkrum lam, lôch nê dăn đă trong rƀŏng tâm pă, dăp rgum tay ntŭk soih aih hun hao neh dak, pơk luh ntŭk hun hao mhe, trong hun hao mhe, suan ntrôl hun hao mhe gay tât rnoh kan, nău ŭch ma Nghị quyết Đại hội XIII bah Đảng hŏ ntrŏng, tât năm 2045 jêng dak hun hao, nsĭt geh wăng sa âk./.

Nuĭh rblang: Điểu Thân