VOV4.M’nông: Kêng măng 23/9, Thủ tướng Chính phủ ƀư tơm nar rƀŭn “Hun hao ntŭk ƀư kan khoa học ndrel công nghệ tâm ban, săk tam, nâp ueh ndrel tâm rnglăp”. Rơh rƀŭn geh ƀư tĭng nau kan sŏng ndrel trực tuyến tât 63 n’gor nkuăl ƀon têh. Rơh rƀŭn gay nchră nau kan, uănh tâm di ăp nau hôm ê dơi, nau nkol, nau jêr, nau ntul rlong, tă bah nê uănh kloh trong rƀŏng, nchrăp luh nau kan, ntrong kan gay ma ƀư, dŏng ân ueh lơn ntŭk kan khoa học công nghệ.

Ntoh nau tâm nar rƀŭn, Thủ tướng Phạm Minh Chính lah rjăp: Hun hao ntŭk kan Khoa học công nghệ ân geh sŏk nau mĭn njêng khoa học ƀư tơm, nŭih ƀư khoa học lah nau nsôih, ntŭk ƀư kan lah tơm, tâm ban đah rnôk geh bah nau cách mạng công nghiệp tal puăn ndrel nau ntơm ƀư tâm rnglăp văng sa lam ntur neh, ŭch geh nau kan ân tâm ban, tâm di đah nau hun hao ntŭk tăch ndơ, nau kan, pah kan ndrel tơm prăk, geh rgum nsum đah ntŭk tăch tâm dak ndrel ntŭk tăch bah lam ntur neh ndrel nkuăl, tâm di đah nau tâm ton lam ntur neh bah Việt Nam ndrel nau vay lam ntur neh./.

Nŭih rblang: H’Thi