VOV4.M’nông: Kêng măng 19/9, ta ntŭk kan Chính phủ, rơh rƀŭn trực tuyến bah Thủ tướng Chính phủ ndrel ăp Kruanh ntŭk kan ntoh măt Việt Nam tâm dak ba dih mpeh nau ntrŭt dăng nau kan nchră nau văng sa hŏ geh ƀư tĭng trong trực tuyến ndrel sŏng. Aơ lah rơh rƀŭn bôk năp bah Thủ tướng Chính phủ rđau mpeh nau tâm nchră văng sa. Rơh rƀŭn mra rgum tâm nchră, nchră rnôk ndrel nau ntul rlong bah rnôk aơl, ngăn lah ăp nau nkhêp ma Việt Nam ân geh ndăn, ƀư rjăp nê lah nau tăch luh ndoh ndơ tât dak ba dih, ntuh kơl gay rgum âk ngăn tu tơm gay ma ndâk ndrel hun hao văng sa rêh jêng.

Ntơm bah nê nchrăp ăp nau kan gay ma ntrŭt dăng nau tâm nchră văng sa n’ăp ma tâm trôm ndrel bah dih dak gay rlet rlau nau jêr bah năp măt ndrel njêng nau mhe gay ƀư ngăn ăp nkô̆ hun hao văng sa rêh jêng. Ntoh nau tâm nar rƀŭn, Thủ tướng Chính phủ Phạm Minh Chính đă ăp Nŭih kan ntoh măt tam dak ba dih, rđau kan ăp ntŭk kan rmôt kan, ƀư ueh nau blau, tâm nchră, đă luh ăp nau ntrŭt dăng ân năn ăp nau kan tâm nchră mpeh văng sa tâm n’ăp tâm ndrel bah dih dak, ntoh luh ăp nau mĭn, nau ŭch; đă ăp nau kan, nau ntrŭnh, ntrong kan, nau tơm gay ma n’hao nau nâp nau kan tâm nchră văng sa./.

Nŭih rblang: H’Thi