Ôi 13/1, Thủ tướng Chính phủ Phạm Minh Chính ƀư tơm rơh rƀŭn tal 5 bah Ban Ntĭm rđău Trung ương mpeh nău kơl jay gŭ n’hah ntŭk tăch rgâl neh ntu. Thủ tướng an gĭt, tâm năm 2025, Chính phủ n’hanh Thủ tướng Chính phủ lĕ ntĭm rđău dŭt n’hâm  trong kan hun hao jay gŭ, lơn lah jay gŭ thuk prăk, đah nău jêh rlău 102 rbăn rnăk jay, nkre dôl rƀŏng tât nău ŭch jêh ơm 1 rkeh rnăk jay gŭ thuk prăk tâm năm 2028.

Ndrel đah nĕ, nău jŭt jăng ngih rông mpông sat, ndâk ƀư jay gŭ an nuĭh geh soan dơi jêh ơm bah năp 5 năm 4 khay; Nău kan Quang Trung nkra, ndâk ƀư tay jay gŭ an nuĭh ƀon lan geh khuch yor trôk nar lơh dôl dơi ndăn mbơh ƀư. Ta rơh rƀŭn, Thủ tướng đă rgum uănh lah lĕ rngôch nu nău jay gŭ n’hanh ntŭk tăch neh ntu tât lĕ khay 12 năm 2025, nu nău an manh neh ntu, nkre dăn đă rnoh an ƀư jay gŭ thuk prăk an manh lvang 2026-ăp năm bah năp tay, đăp mpăn di nău dơi mkra n’hanh ntrôl dăng nkra rgâl samƀŭt hành chính.