Thủ tướng Chính phủ Phạm Minh Chính mhe kí nau ntrŭnh Công điện mpeh nau kan, ntrong kan tơm ntrŭt dăng hun hao, nkân nau hao khlay, đăp mpăn văng sa bah khay 7 ndrel lôch khay 9 năm 2024. Tĭng nê, gay ƀư ân dơi ăp nkô̆ nau, nau kan bah nau nchrăp hun hao văng sa, rêh jêng năm 2024, nkre njêng nau ji jêng nau kan bah năp nau roh  bah đồng chí Tổng Bí thư Nguyễn Phú Trọng, Thủ tướng Chính phủ đă ăp N’gâng kan, kruanh ăp ntŭk kan tâm ban bộ, ntŭk kan tâm Chính phủ, Kruanh UBND ăp n’gor, nkuăl ƀon têh tâm Trung ương lŏ rgum doh rklaih ân năn nau jêr ân ƀon lan ndrel ntŭk kan:

N’gâng kan tơm prăk ƀư ân săk tam ăp nau kan nau ntrŭnh ntoch jong mông ndŏ soay, prăk dŏng neh, n’huch prăk soay rnoh hao khlay, huch prăk ndŏ dŏng kan hŏ geh ntrŭnh; ndal mĭn ƀư nau tât, ƀư ân jêh, nau đă bah Chính phủ đă mpeh rnoh  sŏk prăk lor đah ndeh ôtô nkra, rnglăp ƀư tâm dak tâm khay 7 năm 2024. Ăp n’gâng kan, ntŭk kan, n’gor ntrŭnh, uănh nau kan leo dŏng prăk ntuh kơl kan nsum lah du nau kan chính trị khlay; mât ân dăch nau nchrăp, nkô̆ nau kan trok dŏng prăk n’hêl bah ăp nau kan gay ma rgum rđau ân rjăp lơn tâm nau ntrŭnh ƀư ăp Bôk nau kan bah neh dak./.