Bơi tât 9 năm bah năp, Ngih dak si Chợ Rẫy-Phnôm Pênh, ntŭk ƀư tâm boh bôk năp tâm nau kan dak si đah bar dak hŏ ntơm geh leo dŏng. Đah âk ntil chuyên khoa geh tŏng nau dơi ueh nâp, ngih dak si ŏ rgop nau ueh tâm nau ŭch khám, săm ji ndrel săm ji bah nŭih ƀon lan Campuchia lah nsum ndrel nŭih ƀon lan Thủ đô Phnôm Pênh lah êng. Tâm nar pah kan đah rđau kan ngih dak si,

Thủ tướng kơp dơn ndrel rnê ăp nau nsôih bah ăp tơm ntuh kơl, rmôt nai dak si, nŭih pah kan dak si bah Việt Nam ndrel Campuchia tâm ngih dak si Chợ Rẫy-Phnôm Pênh; ŭch ăp tơm ntuh kơl, rmôt nai dak si, nŭih pah kan tâm ngih dak si Việt Nam ta Chợ Rẫy-Phnôm Pênh lŏ ƀư ueh nuih n’hâm khlay mpeh chính trị bah nau kan aơ, nsôih têh lơn gay ma ƀư jêh lơn tay nau kan prêh mât chăm n’hâm soan ân ƀon lan./.