VOV4.M'nông: Kêng măng 19/9, Thủ tướng Chính phủ Phạm Minh Chính hŏ kuăl điện tâm nchră đah Thủ tướng Quốc vụ viện dak Cộng hòa nhân dân Trung Hoa Lý Khắc Cường. Bar Thủ tướng lah rjăp nău khlay bah tâm boh Việt - Trung đah ăp dak, rnê âk ăp nău dơi tâm boh bar ding tâm bah ri aơ. Tâm  boh tăch rgâl mât rnoh hun hao, nô nău kol khan ntoch jong ta mpông n'har bri dơi nkra bah. Ntuh kơl bah Trung Quốc ta Việt Nam hao âk tay. Tâm boh njrăng n'gang nuh srê dơi mât geh nău tam. 

Mpeh trong rƀŏng tâm  boh tâm let năp tay, bar Thủ tướng tâm ban ŭch n'hao âk rơh tâm mâp gưl têh, ăp gưl, ntrŭt ntrôl tâm boh lăp jru hvi ngăn ngăn, hun hao kloh rvah, tâm  lăp tâm ban, jŏ jong; ntrŭt ntrôl tâm nđŭr, tâm rsong hăn bah nuĭh ƀon lan bar dak. Thủ tướng Phạm Minh Chính dăn đă bar ding nsrôih tâm boh tay gay nsĭt geh tăch rgâl bar ding hun hao đăp mpăn, geh nău tâm ban; đă Trung Quốc nta trong dơh mpeh pơk lhoi trong n'har bri, pơk hvi rvăt n'glăp ndơ, lơn lah ntrôl ngăch pơk mpông n'har bri an ndơ  tuch tăm bah Việt Nam; rdâk tay lĕ rngôch ăp nău kan ta ăp mpông n'har bri n'hanh n'hao nău dăng lhoi hăn; kan nsum an ƀư n'hanh ndăn uĕh ăp trong dơh soih bah ăp nău tâm ton dah rŏng tăch rgâl bar ding./.

Nuĭh rblang: Điểu Thân