Ta rơh wơt, Thủ tướng Lê Minh Hưng lah rjăp: ASEAN way lah trong an lor tâm lĕ rngôch trong kan tâm boh dak bah dih, lah trong nduar rnă njrăng, ntŭk hun hao na nê̆ n’hanh khlay mha êng bah Việt Nam. Tâm ôp mpeh ăp nkô̆ nău ndrel uĕh khlay, Thủ tướng Lê Minh Hưng dăn đă n’hao dăng kan nsum năl di ngăn, ôp uănh, ƀoi nhŭp ăp nuĭh nchuăt krap đah ăp dak ma trong tâm boh bar ding; Tâm khâl âk mpôl kan ăp gưl gay tâm pă nă tă ơm gĭt kan, dơn ngoăy tâm n’guăk kan nsum. Nkre n’hao nău dơi kan cán bộ mpeh nău blău kan, pháp luật, nău ngơi dak bah dih; ndăn tơm ndơ ntop kơl bah ăp băl tâm boh; ntrôl ngăch rgâl mbrô tâm mât uănh n’hanh tĭng ƀoi nhŭp nuĭh tih.