Ôi 16/12, Thủ tướng Phạm Minh Chính ƀư tơm rơh rƀŭn Rnâng kan Chính phủ mpeh trong kan nchrăp ntơm ƀư, sa nkra, soih ndeh uĕh di ăp ndơ ƀư, nău nchrăp ƀư mbah rhơn Đại hội đại biểu lam dak rơh tal 14 bah Đảng. Tĭng nău mbơh bah N’gâng kan Xây dựng, tât aƀaơ, lam dak geh 235 ndơ ƀư, nău nchrăp ƀư ta 34 n’gor, nkual ƀon têh dơi râng, tâm nĕ geh 148 nău nchrăp ƀư ntơm ƀư n’hanh 86 nău nchrăp ƀư sa nkra, soih luh uĕh di.

Nău ƀư nchrăp ƀư tâm lơ 19/12/2025. Thủ tướng lah rjăp, nău ƀư rơh aơ nthoi ăp rơh ntơm ƀư, sa nkra têh ta năp nĕ, nsĭt tay nkô̆ nău khlay chính trị, wăng sa jru rjăp, mbah rhơn Đại hội tâm rlong rŏng dak lam dak rơh tal 11 n’hanh Đại hội 14 bah Đảng, nkre nta an nuih n’hâm, mông nar mhe ntrôl hao jêng wăng sa ngăch n’hanh nâp nâl tâm ăp năm tât. Thủ tướng đă ăp n’gâng kan, nău kan, ƀon lan uănh kơp tay na nê̆, nchrăp uĕh, tâm pă nău kan na nê̆, đăp mpăn ngăch, uĕh nâp.