Lơ 16/7, ntoh ngơi ntĭm rđău ntrôl ntuh kơl nsum, Thủ tướng đă ăp kruanh n’gâng kan, kruanh nău kan, Kruanh UBND gưl n’gor rgum ƀư tĭng rjăp ăp nghị quyết Chính phủ, ntĭm đă, công điện bah Thủ tướng Chính phủ n’hanh ăp sam ƀŭt ntĭm rđău bah kruanh Chính phủ mpeh ntrŭt ntrôl tâm pă, sŏk an prăk ntuh kơl nsum năm 2024.

N’hao prêh nuih n’hâm lĕ nău kan, mât uĕh ƀư tơm bah nuĭh djôt bôk ntĭm rđău, ƀĭt joet n’hanh ndâk ƀư tĭng; “Knŭng tâm nchră ƀư, mô tâm nchră rŭch”; ƀa ƀơ uănh nđôi, ntrŭt đă, ngăch saơ n’hanh dôih rklaih ăp jêr jŏt wăk kol mhe ntoh bah tĭng nău nchrăp ƀư, ngăn lah ăp nău nchrăp ƀư khlay; êng nuĭh ƀư lĕ nău kan tât tĭng êng nuĭh; uănh săk rnglăy sŏk an prăk lah ngoăy tâm âk nkô̆ nău khlay gay uănh lah rnoh jêh nău kan ăp năm bah rmôt kan, êng nuĭh geh tât. Uănh nđôi na nê̆ tĭng nău nchrăp ƀư, jao prăk tât nău kan ndâk ƀư, ndranh, rdâk ƀư, sam ƀŭt trok tâm prăk... đah tĭng nău nchrăp ƀư. N’gâng kan ntung trong, ăp n’gâng kan, nău kan, n’gor rgum mbơh ƀư ăp nău nchrăp ƀư khlay lam dak, tâm rgop nkual hăn ndrel rơh tâm rlong “500 nar măng nsrôih dŭt n’hâm, nsrôih têh, tâm rlong lôch uĕh ăp nău nchrăp ƀư trong cao tốc”.