Ntoh ngơi ta rƀŭn nchră, Thủ tướng Phạm Minh Chính lah rjăp “3 ndrel”: Ndrel djăt n’hanh ndrel wât; ndrel tâm pă trong uănh, nău wât n’hanh nău ƀư; ndrel ƀư ndrel geh, ndrel dơi n’hanh hun hao. Nău aơ di mro rnôk ƀư đah ăp doanh nghiệp, nuĭh kan ndrel, nuĭh ƀon lan.

Thủ tướng ntĭm kloh, an uănh nđôi tay, gĭt na nê̆ nu nău lan ntŭk neh n’hanh nkual gay nâp nâl ăp ntŭk tăch lĕ geh, pơk hvi ăp ntŭk tăch mhe, mkra ăp nău mô tŏng, ăp nău dak dôl ŭch; mkra lôch trong tâm pă, trong nkra njêng lam ntŭr neh đah trong n’hao, nâp nâl moh êng, uĕh nâp ndơ, hun hao uĕh nđĭr, hun hao mrô; tâm rgop rjăp đah ăp dak bah dih, tâm rgop đah ăp n’gâng kan nău kan ndrel, tâm rgop đah Ngih dak n’hanh doanh nghiệp, nuĭh ƀon lan tĭng nuih n’hâm geh tâm ban, mâp nău tâm kơl ndrel.