Năm 2025 lah năm bôk năp pah kan tĭng trong kan mhe nglăp nsum, rmôt nău pah kan hao âk,  nău mât kan pơk hvi, lĕ rngôch âk trong kan têh, jêr. N’gâng kan lĕ rgum ntĭm đă ăp trong kan têh tơm khlăy, geh âk nău dơi ntoh lư, tâm nĕ geh nău kan ƀư lôch mbluh ndeh lĕ trong hăn Bắc- Nam bâh Cao Bằng tât Cà Mau, nchrăp tât dŭt năm 2025 njêng geh 3.345 km trong tơm. Thủ tướng rnê nău tâm rgop bâh n’gâng kan tâm nău hun hao ndơ dŏng ntung trong, ngih gŭ ta ntŭk rêh jêng, rdâk njêng ngih nti ta nkual n’har bri, nkuăl ƀon têh, rdâk njêng nkual ƀon lan mhe, jut jăng ngih truh sat. Thủ tướng lah na nê̆, năm 2026 geh mbơh âk nău kan, tâm nĕ hun hao an geh rnoh 2 mbrô, yor nĕ n’gân kan rdâk njêng an geh nsrôih hun hao 2  rnoh mbrô. Mpeh nău kan trong hăn ngăch Bắc - Nam, Thủ tướng đă tâm khay 12 aơ uănh nđôi tay nău dơi gay ma khay 1/2026 săch trong kan ntuh kơl, săch công nghệ, an lôch nău kan tâm khay 1/2026 an geh săch trong kan ntuh kơl.