Kêng măng 29/5, ta Nhih pah kan Chính phủ, Thủ tướng Chính phủ Phạm Minh Chính hŏ kuăl điện tâm nchră đah Thủ tướng Singapore Lawrence Wong nkhêp geh păng hao ƀư Thủ tướng tâl 4 bah Singapore. Ta rơh kuăl điện tâm nchră, Thủ tướng Chính phủ Phạm Minh Chính lah rjăp Chính phủ Việt Nam mbra kan nsum lhăt tay ndrel Chính phủ Singapore n’hao tâm boh têh jong lam lĕ rngôch đah bar dak  hun hao nar lơn ma dăng, lăp tâng jru, ngăn ngăn, geh nău tam, di lah du nău ntĭt tâm boh ngăch ngăr tâm ASEAN n’hanh lah  ntĭt leo ntrŭt ntrôl ăp trong tâm n’glăp tâm boh tâm trôm mpôl êng ƀa ƀă.

Thủ tướng Singapore lah rjăp mbra ntrôl âk tay mpôl tâm khâl nsum, tâm mâp gưl têh n’hanh ăp gưl tâm bah kơt ăp trong tĭng tâm boh bar ding, lơn lah rơh mâp way ăp năm đah Thủ tướng bar dak gay n’hao nău tâm rnglăp n’hanh tâm nsing nơm chính trị. Mpeh nkô̆ nău tâm nkual, bar dak tâm ban ŭch âk n’hao dăng tâm rnglăp ASEAN, ŭch kơl Lào dơn ƀư geh nău dơi pleh ƀư Kruanh ASEAN 2024, uănh khlay tâm di an hun hao  nâp dăng bah ăp nkual jê̆ tâm nkual, tâm nê  geh tiểu vùng Mê Công, bah nê rgop uĕh an ASEAN nsrôih ndôr êng, têh ndrŏng n’hanh hun hao jŏ jong, ntik n’hao nău khlay kan rgum tơm tâm nkual.