Nar 10/11, ta Thủ đô Phnom Penh, dak Campuchia, nkhêp di râng rƀŭn nchră gưl prêh ASEAN 40,41 n’hanh ăp rƀŭn nchră gưl prêh geh tât, Thủ tướng Chính phủ Phạm Minh Chính lĕ geh rơh mâp đah Thủ tướng Lào Phankham Viphanvanh.

Thủ tướng Phạm Minh Chính mâp đah Thủ tướng Campuchia

Ta rơh mâp, 2 Thủ tướng răm rhơn ta năp ăp hun hao uĕh lăng bah kan ndrel ăp ding tâm ăp năm dăch aơ, ngăn lah tâm nău kan chính trị-tâm rnglăp nchră nău, rnă njrăng-mât njrăng bri dak, tăch rgâl n’hanh ntuh kơl; mĭn lah tay uănh khlay n’hanh kơl lor âk ngăn đah nău mât rgum n’hanh hun hao tâm boh dăch dêh têh, tâm rnglăp khlay n’hanh kan ndrel lĕ rngôch Việt Nam-Lào nar lơ hăn jru, săk rnglăy, nsĭt tay nău geh ngăn ngên an nuĭh kruanh 2 dak. Tâm rgâl mpeh du đêt nău lam ntŭr neh n’hanh nkual ndrel uănh, 2 ding tâm ban ŭch tâm rgop rjăp, kơl, ƀa ƀơ tâm rgâl, tâm ôp ndrel ta ăp rƀŭn nchră ăp nkual n’hanh lam ntŭr neh, ngăn lah ASEAN, Liên hợp quốc n’hanh ăp trong ƀư kan ndrel nkual, rgop mât tâm rnglăp, tâm ban ŭch n’hanh nău ƀư tơm ta n’gul bah ASEAN ta năp ăp ntŭl rlong tâm nu nău mhe.