Gŭ khâl tay Campuchia, Thủ tướng Chính phủ Phạm Minh Chính hŏ tât khâl dơm kađăch Campuchia Norodom Sihamoni ta Cung điện Hoàng gia Campuchia; ôp srĭng nău Kruanh Thượng viện Campuchia Say Chhum n'hanh Kruanh Quốc hội Campuchia Heng Samrin.

Ta ăp rơh mâp gưl têh, bar ding hŏ tâm ban ŭch ndơ̆ tay tâm boh kâng n'har uĕh lăng tâm rnglăp way ơm, tâm boh lam lĕ rngôch, jŏ jong Việt Nam - Campuchia hăn lăp jru tay, yor ma nău geh bah ƀon lan bar dak. Kruanh Quốc hội Heng Samrin rhơn rnê lôch jêh geh tâm nchră đah bar Thủ tướng n'hanh nău bar ding ký dơi 11 siƀŭt nchrăp lor tâm boh nkhêp geh rnôk dja; rnê âk tâm boh đah bar Chính phủ Việt Nam - Campuchia kalơ ăp trong kan n'hanh lơn lah tâm trong tâm pă ntăm n'gâng n'har bri neh kơh. Thủ tướng Phạm Minh Chính lah rjăp nău bun dăp n'hanh mô rlu rdâk tay tâm boh tâm kâng n'har tâm rnglăp n'hanh tâm boh lam lĕ rngôch Việt Nam - Campuchia lah nău ŭch geh di đah lĕ bar dak. Thủ tướng ŭch rŏng Quốc hội, chính phủ Campuchia ŭanh khlay tay nău ŭch tĭng ntrŭt ntrôl tâm boh wăng sa đah bar dak tâm di đah săk geh n'hanh tâm boh uĕh lăng đah bar dak.

VOV/Nuĭh rblang: Điểu Thân