Kêng măng ntri (7/3), ta jay Quốc hội, Thủ đô Canberra, Australia, Thủ tướng Chính phủ Phạm Minh Chính hŏ geh rơh ôp srĭng  nău đah Kruanh Thượng viện Australia, wa bu ur Sue Lines. 

Thủ tướng Chính phủ Phạm Minh Chính lah rjăp hăn khâl ngăn Australia bah Mpôl ntơh măt gưl têh Việt Nam geh nkô̆ khlay, mpơl nău ŭch rŏng ndrel Australia ƀư jru hvi tay lơn đŏng tâm boh bar dak, tâm ban kơt n’hao dăng tâm boh lhăt đah Quốc hội Việt Nam n’hanh Nghị viện Australia đŏng, rgop pơk luh nău mpŏng tâm boh mhe tâm let năp tay. Bar kruanh rđău kan tâm ban ŭch êt lhăt lơn đŏng tâm boh ƀon lan, tâm boh rdâng lơh rgâl trôk nar, pơk trong mpăr sŏng gay pơk hvi tâm boh ntĭm nti, pâl nđaih. Nkhêp geh rnôk dja, Thủ tướng Chính phủ Phạm Minh Chính ŭch rŏng Nghị viện Australia nta tay trong dơh an nsum mpôl nuĭh Việt rgop an nău hun hao bah Australia n’hanh tâm boh bar dak. 

 Tâm rnôk hăn khâl ngăn Australia đŏng, Thủ tướng Chính phủ Phạm Minh Chính hŏ wơt Kruanh Đảng Tự do Australia, wa Peter Dutton. Ta rơh wơt, bar kruanh tâm ban ŭch n’hao âk mpôl tâm khâl nsum n’hanh tâm boh gưl têh; ntrôl dăng tâm dâl nău tĭng trong Đảng n’hanh tâm nđŭrr ƀon lan, nta trong dơh an ăp mpôl tâm rnglăp bar dak ƀư ăp nău kan văn hóa, thể thao, kơl êng nuĭh./.