Ôi nar 19/1 (mông ta ntŭk), tâm rnôk hăn khâl ngăn Hungary, Thủ tướng Chính phủ Phạm Minh Chính hŏ ôp srĭng nău Tổng thống Hungary, wa bu ur Katalin Nova.  Ta rơh ôp srĭng nău, Thủ tướng Chính phủ Phạm Minh Chính hŏ mbơh đah Tổng thống Katalin Novak mpeh ăp nău dơi geh khlay ma bar ding hŏ dơi geh tâm rơh tâm nchră đah bar Thủ tướng, lĕ ma ăp trong rƀŏng têh gay ntrŭt ntrôl tâm boh tâm rnglăp way ơm n’hanh tâm boh lam lĕ rngôch Việt Nam n’hanh Hungary ta ăp trong kan.

Mpeh chính trị - tâm boh dak bah dih, Thủ tướng Phạm Minh Chính dăn đă bar ding n’hao dăng tay tâm mâp n’hanh tâm khâl, lơn lah gưl têh, tâm ban kơt đah ăp n’gâng kan, ăp n’gor gay n’hao dăng tâm nsing nơm chính trị n’hanh tâm gĭt wât nsum, ƀư jâng nsing gay ntrŭt ntrôl n’hanh pơk hvi tâm boh bar ding nsing ta ăp trong kan. Mpeh tâm boh ta ăp rơh rgum nchră dak bah dih, Thủ tướng Chính phủ Phạm Minh Chính n’hanh Tổng thống Katalin Novak tâm ban ŭch mât tay trong tâm mâp bar ding bah meng ăp rơh rgum nchră âk ding, kan nsum lhăt, tâm kơl nsum ta ăp mpôl kan dak bah dih, lơn lah Liên hợp quốc, ASEM, trong kan ASEAN-EU gay rgop an đăp mpăn, bah tâm lơh tâm su, tâm boh n’hanh hun hao ta nkual n’hanh lam ntŭr neh./.