VOV4.M’nông – Nar 25/9, Thủ tướng Chính phủ Phạm Minh Chính lĕ pah kan đah Ban chấp hành Đảng bộ n’gor Yên Bái. Thủ tướng uănh lah prêh ăp săk rnglăy Đảng bộ, n’gâng kan n’hanh nuĭh ƀon lan n’gor Yên Bái lĕ dơi geh tâm năm bah năp. Thủ tướng lah rjăp, nkual neh sâm geh lịch sử, văn hóa n’hanh cách mạng, đah âk nău geh n’hanh dơi ntoh lư, Yên Bái geh tŏng ăp gay hun hao ngăch n’hanh nâp nâl; jêng n’gor ndrŏng tâm năm 2025.

Thủ tướng Chính phủ Phạm Minh Chính pah kan đah N’gor ủy Yên Bái

Thủ tướng lah an dŭt n’hâm uănh khlay hun hao wăng sa, văn hóa-rêh jêng n’hanh mât njrăng ntŭk ntô bri dak hăn ndrel đah mât njrăng bri dak, rnă njrăng; hun hao wăng sa yơn tŏng ăp tâm ban nău rêh, mât njrăng ntŭk ntô. Tâm rnôk hun hao an tĭng nău ngăn; n’hao tâm pă gưl, pă nău kan, ƀư lĕ nău kan nuĭh djôt bôk hăn ndrel đah uănh nđôi.

Thủ tướng an lah Yên Bái tŏng dơi jêng n’gor sâm geh tâm năm 2025.

VOV

 Nuĭh rblang: Y Sưng Phê Ja